சின்சினாட்டி: அமெரிக்காவில் நடைபெறும் வெஸ்டர்ன் மற்றும் சதர்ன் சின்சினாட்டி ஓபன் டென்னிஸ் தொடரின் மகளிர் ஒற்றையர் பிரிவு 2வது சுற்றில் விளையாட, ஜெர்மனி வீராங்கனை ஏஞ்சலிக் கெர்பர் தகுதி பெற்றார். முதல் சுற்றில் கிரீஸ் வீராங்கனை மரியா சக்கரியுடன் மோதிய கெர்பர் அதிரடியாக விளையாடி 6-2, 6-2 என்ற நேர் செட்களில் வெற்றியை வசப்படுத்தினார். இப்போட்டி 1 மணிம் 9 நிமிடத்திலேயே முடிவுக்கு வந்தது. முன்னாள் நம்பர் 1 வீராங்கனையான கெர்பர், சின்சினாட்டி ஓபனில் 2 முறை இறுதிப் போட்டி வரை முன்னேறி உள்ளது குறிப்பிடத்தக்கது. மற்றொரு முதல் சுற்றில் செக் குடியரசின் பெத்ரா குவித்தோவா - மேடிசன் கீஸ் (அமெரிக்கா) மோதினர்.