காஞ்சிபுரம்: காஞ்சிபுரம் மாவட்டத்தில் பல்வேறு குற்ற வழக்குகளில் சம்பந்தப்பட்ட பிரபல ரவுடி படப்பை குணாவை போலீசார் கைது செய்தனர். காஞ்சிபுரம் மாவட்டம் சுங்குவார்சத்திரம் அருகே கீரநல்லூர் கிராமத்தை சேர்ந்தவர் பிரபாவதி (பெயர் மாற்றம் செய்யப்பட்டுள்ளது) . அவரது பெற்றோருக்கு சொந்தமான நிலத்தின் சந்தை மதிப்பு விவரத்தை பார்ப்பதற்காக பட்டாவை பெற்றுள்ளார். இதற்கிடையில், மதுரமங்கலத்தை சேர்ந்த பிரபல ரவுடி குணா ( எ ) படப்பை குணா என்பவரிடம், பிரபாவதியின் தந்தை கமார் ஒன்றரை ஆண்டுக்கு முன் ரூ.2 லட்சம் கடன் பெற்றுள்ளார். அந்த பணத்துக்கு பதிலாக, மேற்கண்ட நிலத்தின் பத்திரத்தை கேட்டு ரவுடி குணா மிரட்டியதாக கூறப்படுகிறது.