பெங்களூரு:   கர்நாடகாவில் இருந்து சிலர், ஆப்கானிஸ்தான், பாகிஸ்தானில் உள்ள ஐஎஸ்  தீவிரவாத அமைப்புக்கு ஆள் சேர்க்கும் பணியில் ஈடுபடுவதாக  தேசிய புலனாய்வு அமைப்பு (என்ஐஏ) அதிகாரிகளுக்கு தகவல் கிடைத்தது. இதன் அடிப்படையில், மங்களூரு மாவட்டம்,  பட்கல்லில் பதுங்கியிருந்த 2 பேரை  கைது செய்தனர். அவர்கள் மங்களூரு பட்கல்லை சேர்ந்த அபு கசீர் அல் பதாரி,  அமீன் ஜூகாப்  என்று தெரியவந்தது.

இவர்களில் அபு கசீர், ‘ வாய்ஸ் ஆப் ஹைட்’ என்ற ஐஎஸ்.  ஆதரவு மாதஇதழில் பணியாற்றி வந்தவர் என்று தெரியவந்துள்ளது. இதன் மூலமாக,   ஐஎஸ் தீவிரவாதிகளுக்கு தேவையான ஆயுதங்கள்,  நிதி உதவிகளை பெற்று  தந்துள்ளார். இதுதவிர ஆப்கானிஸ்தான், சிரியாவில் உள்ள ஐ.எஸ்  தீவிரவாதிகளுடன் நேரடி தொடர்பில் இருந்துள்ளார்.