ஸ்ரீநகர்: காஷ்மீரில் பாதுகாப்பு படையினருக்கும் தீவிரவாதிகளுக்கும் இடையே நடந்த துப்பாக்கி சண்டையில் லஷ்கர் இ தொய்பா தீவிரவாத அமைப்பின் கமாண்டர் நதீம் அப்ராரும், பாகிஸ்தான் தீவிரவாதியும் சுட்டுக் கொல்லப்பட்டனர். காஷ்மீரில் நெடுஞ்சாலை பகுதியில் தீவிரவாதிகள் தாக்குதல் நடத்த இருப்பதாக தகவல் கிடைத்தது. அதன் அடிப்படையில், மாநில போலீசார், சிஆர்பிஎப் வீரர்கள் வாகன சோதனையில் ஈடுபட்டனர். இதில், பாரிம்போரா சோதனை சாவடி அருகே வாகனத்தில் பயணித்தவர்களின் அடையாள அட்டையை போலீசார் கேட்டனர். அப்போது, காரின் பின் சீட்டில் அமர்ந்திருந்தவன் பேக்கில் இருந்து வெடிகுண்டை எடுக்க முற்பட்டான். விரைந்து செயல்பட்ட வீரர்கள், அவனையும், ஓட்டுனரையும் மடக்கி பிடித்தனர்.