வாஷிங்டன்: அமெரிக்காவில் 12 மாடி அடுக்குமாடி குடியிருப்பு இடிந்து விழுந்ததில் 160 பேர் பலியாகினர். அமெரிக்காவில் உள்ள புளோரிடா மாகாணத்தில், உலகின் மிகவும் அழகான மியாமி கடற்கரை அமைந்துள்ளது. இதன் எதிரே ஏராளமான அடுக்குமாடி குடியிருப்புகள் உள்ளன. அவற்றில் ஒன்றுதான், ‘சாம்ப்ளைன் டவர்’. 12 மாடிகளை கொண்ட இந்த குடியிருப்பின் தெற்கு பகுதியில் மட்டுமே 100க்கும் மேற்பட்ட வீடுகள் (பிளாட்ஸ்) உள்ளன. இவற்றில் பராகுவே, கொலம்பியா, வெனிசுலா, அர்ஜென்டினா, உருகுவே போன்ற நாடுகளைச் சேர்ந்தவர்கள் அதிகமாக வசிக்கின்றனர்.
30 ஆண்டுக்கு முன்பே எச்சரிக்கை
இந்த கட்டிடம் 1981ல் கட்டப்பட்டது. 1990ம் ஆண்டிலேயே இது அபாயகரமாக இருப்பதாக, அமெரிக்க அதிகாரிகள் நடத்திய ஆய்வில் எச்சரிக்கப்பட்டு உளளது. இந்த கட்டிடம் திடீரென இடிந்து விழுந்ததற்கான காரணம் தெரியவில்லை. அது பற்றி அதிகாரிகள் விசாரித்து வருகின்றனர்.