உலகம் ஆன்லைன் கேமிங் உலகில் நுழையும் ஜேக் ஸ்பேரோ கதாபாத்திரம்!: ரசிகர்கள் பெரும் வரவேற்பு..!! Jun 18, 2021 ஜேக் ஸ்பெரோ பிரபல ஹாலிவுட் நடிகர் ஜானி டெபின் நடிப்பில் உலகெங்கும் புகழ்பெற்ற திரைப்படம் தி பைரேட்ஸ் ஆஃப் கரீபியன். இந்த படத்தின் கதையினை அடிப்படையாக கொண்டு டிஸ்னி நிறுவனம் வெளியிடும் புதிய ஆன்லைன் கேம் விளையாட்டின் முன்னோட்டம் வெளியாகி ரசிகர்கள் இடையே வரவேற்பை பெற்றுள்ளது. ஜேக் ஸ்பேரோ. இந்த பெயருக்கு அறிமுகம் தேவையில்லை. டிஸ்னி நிறுவனத்தின் தயாரிப்பில் 2003ம் ஆண்டில் தொடங்கி 2017ம் ஆண்டு வெளியான தி பைரேட்ஸ் ஆஃப் கரீபியன் திரைப்படங்களுக்கு உலகெங்கும் மாபெரும் வரவேற்பு கிடைத்தது. படத்தில் ஜேக் ஸ்பேரோவாக வளம் வந்த ஜானி டெப்புக்கு இந்தியாவில் தனி ரசிகர் பட்டாளமே உருவானது. ஹாலிவுட் திரையுலகில் தவிர்க்க முடியாத கதாபாத்திரமாக மாறியுள்ள ஜேக் ஸ்பேரோ, தற்போது ஆன்லைன் கேம் உலகிலும் நுழையவுள்ளது. சீ ஆஃப் தீவ்ஸ் - ஏ பைரேட்ஸ் லைஃப் எனும் பெயரில் உருவாகி உள்ள இந்த கேம் -ஐ பைரேட்ஸ் ஆஃப் கரீபியன் படத்தை தயாரித்த டிஸ்னி நிறுவனமே வெளியிடுகிறது. சீ ஆஃப் தீவ்ஸ் கேம் பல பாகங்களாக வெளியான நிலையில் தற்போது பைரேட்ஸ் ஆஃப் கரீபியன் படத்தில் கதைக்களத்தோடு பிரம்மாண்டமாக வடிவமைக்கப்பட்டுள்ளது. தி பைரேட்ஸ் ஆஃப் கரீபியன் திரைப்படத்தில் ஜேக் உடன் வளம் வந்த பார்போசா, ஜேம்ஸ் நோரிங்டன், பூட்ஸ் தீப்ஸ், கிப்ஸ் ஆகிய கதாபாத்திரங்கள் இந்த கேமிலும் இடம்பெற்றுள்ளன. படத்தில் வில்லனாக தோன்றிய டேவி ஜான்ஸ் கதாபாத்திரம், இதில் விளையாடுபவர்களை விரட்டி விரட்டி கொள்பவர்களாக சித்தரிக்கப்பட்டுள்ளது. வில்லனிடம் சிக்கிக்கொள்ளாமல் இருக்க விளையாடுபவர்கள் ஜேக்கின் அறிவுரைகளை கேட்க வேண்டுமாம். வீடியோ கேமின் முன்னோட்டத்தை வெளியிட்டுள்ள டிஸ்னி நிறுவனம் வரும் 22ம் தேதி கேம் வெளியாகும் என்று அறிவித்துள்ளது. கேமின் முன்னோட்டத்திற்கே பெரும் வரவேற்பு அளித்துள்ள ரசிகர்கள் ஜேக் ஸ்பேரோவுக்காக காத்திருக்கின்றனர்.
எல் நினோ நிகழ்வால் கிழக்கு ஆப்ரிக்க நாடுகளில் கொட்டும் கனமழை.. கென்யாவில் இதுவரை 38 பேர் பலியானதாக ஐ.நா. தகவல்
அர்ஜெண்டினாவில் அரசு பல்கலைக்கழகங்களுக்கு நிதி குறைக்கப்பட்டதற்கு கடும் எதிர்ப்பு: பியூனஸ் அயர்ஸில் ஆயிரக்கணக்கான மாணவர்கள் பிரமாண்ட பேரணி
பிரான்சில் இருந்து கடல் வழியாக சட்டவிரோதமாக இங்கிலாந்திற்குள் நுழைய முயன்ற 5 பேர் கடலில் மூழ்கி உயிரிழப்பு!
அரிசியில் `மெகாசீலியா ஸ்கேலாரிஸ்’ என்ற நுண்ணுயிர்; பாகிஸ்தானில் இருந்து அரிசி இறக்குமதி தடை செய்யப்படும்: ரஷ்யா எச்சரிக்கை
மலேசியாவில் கடற்படை ஒத்திகையின்போது 2 ராணுவ ஹெலிகாப்டர்கள் ஒன்றுடன் ஒன்று மோதி விபத்து; 10 பேர் உயிரிழப்பு..!!