புதுச்சேரி: புதுச்சேரி சட்டசபை வரும் 16ம்தேதி காலை 9.30 மணிக்கு கூட்டப்படுவதாக சட்டசபை செயலகம் அதிகாரப்பூர்வமாக தெரிவித்துள்ளது. அன்றைய தினம் சபாநாயகர் தேர்தலுக்கான தேதியாக முறைப்படி அறிவிக்கப்பட்டுள்ளது. போட்டியின்றி சபாநாயகராக பாஜவை சேர்ந்த ஏம்பலம் செல்வம் தேர்வு செய்யப்படுவார் என தெரிகிறது.புதுச்சேரியில் என்ஆர் காங்கிரஸ், பாஜக இடையே பேச்சுவார்த்தை மூலம் சுமுக உடன்பாடு எட்டப்பட்டது. இதையடுத்து சபாநாயகர் தேர்வு தொடர்பான அறிவிப்பாணை வெளியிடுவது தொடர்பான கோப்புகள் கவர்னருக்கு அனுப்பி வைக்கப்பட்டது. இதற்கு துணை நிலை ஆளுநர் தமிழிசை சவுந்தரராஜன் ஒப்புதல் அளித்துள்ளார். இதன் அதிகாரப்பூர்வ அறிவிப்பு நேற்று மதியம் வெளியானது.