உடுமலை: உடுமலையில் இருந்து திருமூர்த்திமலை செல்லும் சாலையில் சாம்பல்மேடு என்னும் இடம் உள்ளது. இங்குள்ள எஸ் பெண்டு வளைவையொட்டி, ஓடை செல்கிறது. இதில் மழைக்காலங்களில் பெருக்கெடுத்து வரும் தண்ணீர் மற்றும் தோட்டத்து தண்ணீர் சேர்ந்து பிரதான கால்வாயில் கலக்கிறது. இச்சாலையில் தினசரி ஏராளமான வாகனங்கள் மற்றும் சுற்றுலா வாகனங்கள் செல்கின்றன. ஆபத்தான எஸ்.பெண்டு வளைவில் தடுப்புச்சுவர் இல்லாததால், அடிக்கடி விபத்து நடக்கிறது. வேகமாக வரும் வாகனங்கள் திரும்ப முடியாத நிலையில் ஓடைக்குள் விழுந்துவிடுகின்றன.