சியோல்: எலக்ட்ரானிக்ஸ் சந்தையில் முன்னணியில் இருக்கும் எல்ஜி நிறுவனமானது செல்போன் தயாரிப்பை நிறுத்துவதாக அறிவித்துள்ளது. தென் கொரியாவைச் சேர்ந்த எல்ஜி நிறுவனம் செல்போன் தயாரிப்பில் உலகளவில் மூன்றாவது பெரிய நிறுவனமாக உள்ளது. சமீபகாலமாக செல்போன் சந்தையில் கடும்போட்டி நிலவுவதாலும், சீனத்தயாரிப்புகள் ஆதிக்கம் செலுத்துவதாலும் போட்டியிட முடியாமல் எல்ஜி சற்று பின் தங்கியது. கடந்த 2020ம் காலாண்டின் நிதிநிலை அறிக்கையிலும் எல்ஜியின் லாப விகிதம் குறைந்ததும், விற்பனை மந்தமானதும் தெரிய வந்தது.