இஸ்லாமாபாத்: ‘இந்தியா-பாகிஸ்தான் இடையே நிலவும் தற்போதைய அசாதாரண சூழலில், எந்தவித வர்த்தகமும் மேற்கொள்வதற்கான வாய்ப்புகள் இல்லை,’ என பாகிஸ்தான் பிரதமர் இம்ரான்கான் கூறியுள்ளார்.ஜம்மு காஷ்மீர் சிறப்பு அந்தஸ்து ரத்து செய்யப்பட்டு, இந்த மாநிலம் 2 யூனியன் பிரதேசங்களாக பிரிக்கப்பட்டதால், பாகிஸ்தான் அரசு ஆத்திரமடைந்தது. இந்தியாவுடன் வர்த்தக உறவுகளை துண்டித்தது. கடந்த சில தினங்களுக்கு முன் இந்த தடை ரத்து செய்யப்பட்டு, இந்தியாவிடம் இருந்து பருத்தி, சர்க்கரை இறக்குமதி செய்ய முடிவு செய்தது. ஆனால், பாகிஸ்தான் அரசு திடீரென இந்த முடிவை கைவிட்டது.