நார்த் சவுண்ட்: வெஸ்ட் இண்டீஸ் அணியுடனான 2வது டெஸ்ட் போட்டியில், இலங்கை அணிக்கு 377 ரன் இலக்கு நிர்ணயிக்கப்பட்டது.ஆன்டிகுவா, ரிச்சர்ட்ஸ் ஸ்டேடியத்தில் மார்ச் 29ம் தேதி தொடங்கிய இப்போட்டியில், டாஸ் வென்ற இலங்கை அணி முதலில் பந்துவீசியது. வெஸ்ட் இண்டீஸ் முதல் இன்னிங்சில் 354 ரன் குவித்து ஆல் அவுட்டானது. தொடக்க வீரரும் கேப்டனுமான கிரெய்க் பிராத்வெய்ட் 126 ரன், மேயர்ஸ் 49, ஹோல்டர் 30, ஜோசப் 29, கார்ன்வால் 73 ரன் விளாசினர். இலங்கை அணி முதல் இன்னிங்சில் 258 ரன்னுக்கு சுருண்டது. திரிமன்னே 55, சண்டிமால் 44, தனஞ்ஜெயா 39, நிஸங்கா 51, டிக்வெல்லா 20 ரன் எடுத்தனர்.