திருவனந்தபுரம்: கேரள மாநிலம், பாலக்காடு மாவட்டம் முதலமட அருகே பரம்பிக்குளம் புலிகள் சரணாலயம் உள்ளது. கொரோனா காரணமாக கடந்த மார்ச் 10ம் தேதி இது மூடப்பட்டது. 8 மாதங்களுக்குப் பிறகு நேற்று முதல் மீண்டும் சுற்றுலா பயணிகளுக்கு திறக்கப்பட்டது. இங்கு சுற்றுலா பயணிகள் சென்று சுற்றிப் பார்க்க 10 சபாரி வேன்கள் உள்ளன. ஒரு சபாரி பயணம் 3.5 மணி நேரம் நீடிக்கும். மேலும், வனத்துறை அமைத்துள்ள கூடாரங்கள், மரக்குடில்களில் தங்க ஆன்லைனில் முன்பதிவு செய்யலாம். இந்த சரணாலயத்தை சுற்றிப் பார்க்க தகவல் மையத்தில் முன்பதிவு செய்வது கட்டாயம்.இங்கு தங்க விரும்புவோர் www.parambikulam.org என்ற இணையதளம் மூலம் பதிவு செய்யலாம்.