மும்பை: நவம்பரில் ஆஸ்திரேலியா செல்ல உள்ள இந்திய டெஸ்ட் கிரிக்கெட் அணியில் கே.எல்.ராகுல் மற்றும் முகமது சிராஜ் ஆகியோர் இடம் பெற்றுள்ளனர். இந்திய கிரிக்கெட் அணி, நவம்பரில் ஆஸ்திரேலிய பயணம் மேற்கொண்டு 3 போட்டிகள் கொண்ட் டி20 தொடர், 3 போட்டிகள் கொண்ட ஒருநாள் தொடர் மற்றும் 4 போட்டிகள் கொண்ட டெஸ்ட் தொடர்களில் ஆடவுள்ளது. இந்த 3 தொடர்களுக்கான 28 வீரர்கள் அடங்கிய இந்திய அணி, நேற்று அறிவிக்கப்பட்டது. காயம் காரணமாக ரோஹித் ஷர்மா மற்றும் இஷாந்த் ஷர்மா ஆகியோர் இந்திய அணியில் இடம்பெறவில்லை. 18 வீரர்கள் கொண்ட டெஸ்ட் அணியில் கே.எல்.ராகுல், மயங்க் அகர்வால், வேகப்பந்து வீச்சாளர் முகமது சிராஜ் மற்றும் குல்தீப் யாதவ் ஆகியோர் இடம் பெற்றுள்ளனர்.