திருச்சி: உலக பிரியாணி தினத்தன்று திருச்சியில் உள்ள ஒரு கடையில் நேற்று 10 பைசாவுக்கு பிாியாணி வழங்கப்பட்டது. சமூக இடைவெளியின்றி மக்கள் குவிந்ததால் கொரோனா பரவும் அபாயம் ஏற்பட்டுள்ளது. உலக பிரியாணி தினம் நேற்று கொண்டாடப்பட்டதையொட்டி, திருச்சி தில்லைநகரில் உள்ள ஒரு பிரியாணி கடையில் நேற்று 10 பைசாவுக்கு பிரியாணி வழங்கப்படும் என்று முன்பே அறிவிப்பு வெளியிடப்பட்டது. அதில், 10 மணிக்கு 10 பைசாவை கொடுத்து டோக்கன் வாங்கி பிரியாணி பெற்றுக்கொள்ளலாம் என்றும், முதலில் டோக்கன் பெறும் 100 பேருக்கே பிரியாணி வழங்கப்படும் என்றும் அந்த கடை நிர்வாகம் அறிவித்திருந்தது.