ஸ்டாக்ஹோம்: வேதியியலுக்கான நோபல் பரிசு 2 பெண் விஞ்ஞானிகளுக்கு கூட்டாக அறிவிக்கப்பட்டுள்ளது. இந்தாண்டுக்கான நோபல் பரிசுகள் வரிசையாக அறிவிக்கப்பட்டு வருகின்றன. இந்த வகையில், 2020ம் ஆண்டுக்கான வேதியியல் துறைக்கான நோபல் பரிசு பெறுபவர்களின் பெயர்கள் நேற்று அறிவிக்கப்பட்டது. இது, 2 பெண் விஞ்ஞானிகளுக்கு கூட்டாக வழங்கப்படுகிறது. பிரான்சை சேர்ந்த இமானுவேல் சார்பெண்டிர், அமெரிக்காவை சேர்ந்த ஜெனிபர் டவடனா ஆகியோர், இந்தாண்டுக்கான நோபல் பரிசு தட்டிச் சென்றுள்ளனர்.