சென்னை: வேளாண் சட்ட மசோதாவை கண்டித்து, திமுக கூட்டணி கட்சிகள் சார்பில், சென்னை கலெக்டர் அலுவலகம் அருகே நேற்று ஆர்ப்பாட்டம் நடந்தது. ஆப்பாட்டத்தில் மார்க்சிஸ்ட் கம்யூனிஸ்ட் மாநில செயலாளர் பாலகிருஷ்ணன் பேசியதாவது: வேளாண் மசோதாவுக்கு எதிரான இந்த ஆர்ப்பாட்டம், பாஜ அரசுக்கும், அதிமுக அரசுக்கும் சாவு மணி அடிப்பதாகும். பாஜ அரசு கடந்த 21ம் தேதிதான் விவசாயிகளுக்கு எதிரான இந்த சட்டத்தை நிறைவேற்றியது. ஆனால் தமிழக அரசு கடந்த 17ம் தேதியே ஆதரவு தெரிவித்துள்ளது. தமிழகத்தில் நடப்பது அதிமுக ஆட்சி என்று சொல்வதைவிட மோடி ஆட்சி என்று தான் சொல்ல வேண்டும்.