டெல்லி : நாட்டின் ஜிடிபி 23.9% சரிந்திருப்பது என்பது மத்தியில் ஆளும் பிரதமர் மோடி அரசுக்கான அவமானம்; இந்த அரசு தமது தவறுகளை ஒருபோதும் ஒப்புக் கொள்ளாது என்று முன்னாள் மத்திய அமைச்சரும் மூத்த காங்கிரஸ் தலைவருமான ப.சிதம்பரம் சாடியுள்ளார்.மேலும் இந்தியாவின் மொத்த உள்நாட்டு உற்பத்தி 2020-2021ம் ஆண்டின் முதல் காலாண்டில் 23.9% ஆக சரிந்திருப்பது மத்திய அரசு திறனற்ற செயல்படுவதையே காட்டுவதாக முன்னாள் நிதியமைச்சர் ப சிதம்பரம் தெரிவித்துள்ளார். மத்திய அரசு நேற்று வெளியிட்டுள்ள அறிக்கையில், ஏப்ரல் - ஜூன் காலாண்டில் இந்தியாவின் மொத்த உள்நாட்டு உற்பத்தி 23.9%ஆக வீழ்ச்சி அடைந்துள்ளதாக தெரிவிக்கப்பட்டுள்ளது. இது குறித்து கருத்து தெரிவித்துள்ள முன்னாள் மத்திய நிதி அமைச்சர் ப. சிதம்பரம், கொரோனா பெருந்தொற்றை கையாள்வதில் மத்திய அரசு திறனற்று இருப்பதன் விளைவாகத்தான் உள்நாட்டு உற்பத்தி பாதாளத்திற்கு சென்றுள்ளதாக குற்றம் சாட்டி இருக்கிறார்.