ஹாங்காங்: சீனாவின் பல்வேறு பகுதிகளில் டுவான்வூ திருவிழா கொண்டாட்டங்கள் களைகட்டியுள்ளன. கடந்த 2 ஆயிரம் ஆண்டுகளாக சீனாவில் கொண்டாடப்படும் ”டுவான்வூ திருவிழா” இந்த ஆண்டும் கோலாகலமாக கொண்டாடப்பட்டது. ஹாங்காங்கில் உணவகங்களில் குவிந்த மக்கள் இந்த பண்டிகையின் சிறப்பு உணவான தொங்க்ஷி என்றழைக்கப்டும் பாரம்பரியமான மூங்கில் இலைகளில் வைத்து வேகவைக்கப்பட்ட அரிசி மற்றும் இறைச்சி கலவையை குடும்பத்தினருடன் குதூகலமாக உண்டு களித்தனர். மேலும், பல்வேறு இசை நிகழ்ச்சிகளையும் மக்கள் ஆனந்தமாய் கண்டுகளித்தனர். இதனைத்தொடர்ந்து, ஸ்டாண்லி கடற்கரையில் மேளதாளங்களுடன் டிராகன் படகுப் போட்டிகள் நடத்தப்பட்டன.