புதுடெல்லி: முன்னாள் பிரதமர் ராஜிவ் காந்தியின் 29வது நினைவு நாளையொட்டி டெல்லியில் நேற்று நடைபெற்ற நிகழ்ச்சியில் காங்கிரஸ் தலைவர் சோனியா காந்தி பங்கேற்றார். அப்போது அவர் வீடியோ கான்பரன்ஸ் மூலம் சட்டீஸ்கர் விவசாயிகளுக்கான நலத்திட்டம் ஒன்றை தொடங்கி வைத்தார். `ராஜிவ் காந்தி கிசான் நியாய் யோஜ்னா’ என்ற திட்டத்தை தொடங்கி வைத்து சோனியா காந்தி பேசுகையில், ‘‘அடிமட்ட மக்களுக்காக அறிமுகப்படுத்தப்படும் இந்த திட்டம் அவர்களது வாழ்க்கையில் பெரிய மாற்றத்தை ஏற்படுத்தும். இந்த திட்டத்தை தொடங்கி வைப்பது முன்னாள் பிரதமர் ராஜிவ் காந்திக்கு நாம் செலுத்தும் உண்மையான அஞ்சலியாகும்’’ என்றார்.