வி.கே.புரம்: பாபநாசம் பகுதியில் இரு மாத இடைவெளிக்குப் பின் வயல்களில் பயிரிடப்பட்டிருந்த கரும்பு வெட்டும் பணி துவங்கியுள்ளது. வி.கே.புரம் நகராட்சிக்கு உட்பட்ட பாபநாசம், டாணா அனவன்குடியிருப்பு பகுதியில் 600க்கும் மேற்பட்ட ஏக்கரில் கரும்புகள் பயிரிடப்பட்டிருந்தன. இதில் பொங்காலையொட்டி பல ஏக்கர் நிலங்களில் பயிரிடப்பட்ட கரும்புகள் அறுவடை செய்யப்பட்டன. மீதமுள்ள பகுதியில் பயிரிடப்பட்ட கரும்புகள் மார்ச் மாத கடைசியில் கரும்பு சாறு கடைகளுக்காக அறுவடை செய்யாமல் விடப்பட்டிருந்தன. இந்நிலையில் கொரோனா பரவல் எதிரோலியாக கடந்த மார்ச் 24ம் தேதி முதல் ஊரடங்கு உள்ளதால் கரும்புகளை அறுவடை செய்ய ஆட்கள் இல்லததாலும், போக்குவரத்து வசதி இல்லாமலும் கரும்புகள் சுமார் 2மாதமாக அறுவடை செய்யாமல் இருந்து வந்தது.