மெல்போர்ன்: ஆஸ்திரேலியாவில் நடைபெறும் பிக் பாஷ் டி20 தொடரில், மெல்போர்ன் ஸ்டார்ஸ் அணி 44 ரன் வித்தியாசத்தில் சிட்னி சிக்சர்ஸ் அணியை வீழ்த்தியது. மெல்போர்னில் நடந்த இப்போட்டியில், டாஸ் வென்ற சிட்னி சிக்சர்ஸ் முதலில் பந்துவீசியது. மெல்போர்ன் ஸ்டார்ஸ் 20 ஓவரில் 1 விக்கெட் இழப்புக்கு 219 ரன் குவித்தது. மார்கஸ் ஸ்டாய்னிஸ் - ஹில்டன் கார்ட்ரைட் ஜோடி முதல் விக்கெட்டுக்கு 19 ஓவரில் 207 ரன் சேர்த்து அசத்தியது. கார்ட்ரைட் 59 ரன் (40 பந்து, 6 பவுண்டரி, 3 சிக்சர்) விளாசி வெளியேறினார்.