சென்னை: ஏ டிவிஷன் லீக் ஹாக்கி தொடரில் எஸ்டிஏடி அணி சாம்பியன் பட்டம் வென்றது. சென்னையில் கடந்த 2 மாதங்களாக ஏ டிவிஷன் ஹாக்கி போட்டித் தொடர் நடந்து வந்தது. இதில் அரசு நிறுவனங்கள், தனியார் கிளப்களை சேர்ந்த மொத்தம் 42 அணிகள் 6 பிரிவுகளாக களம் கண்டன. இதன் கால் இறுதிப் போட்டிகளில் அஞ்சல் துறை அணி ஆயுதப்படையையும், பாரத ஸ்டேட் வங்கி (எஸ்பிஐ) அணி யுனிவர்சல் ஹாக்கி கிளப்பையும், இந்திய ரிசர்வ் வங்கி (ஆர்பிஐ) அணி மெட்ராஸ் நேஷனல் ஸ்போர்ட்ஸ் கிளப்பையும் , தமிழ்நாடு விளையாட்டு மேம்பாட்டு ஆணையம் (எஸ்டிஏடி) அணி ஆர்வி அகடமியையும் வீழ்த்தி அரை இறுதிக்கு முன்னேறின.முதல் அரை இறுதியில் எஸ்டிஏடி அணி 9-0 என்ற கோல் கணக்கில் ஆர்பிஐ அணியையும், 2வது அரை இறுதியில் எஸ்பிஐ அணி 1-0 என்ற கோல் கணக்கில் அஞ்சல் துறையையும் வீழ்த்தி இறுதிப் போட்டிக்குள் நுழைந்தன.