பீஜிங்: மல்யுத்த போட்டியில் பல மைல் கல்லை எட்டியவர் ரிது போகட். காமன்வெல்த் மல்யுத்த சாம்பியன்ஷிப் போட்டியில் தங்கப்பதக்கம், 23 வயதுக்கு உட்பட்ட உலக சாம்பியன்ஷிப் போட்டியில் வெள்ளிப்பதக்கம், ஆசிய சாம்பியன்ஷிப் போட்டியில் வெண்கலப்பதக்கம் மற்றும் பல முறை தேசிய சாம்பியனான ரிது போகட் தற்போது கலப்பு தற்காப்பு போட்டியில் தனது பாதையை திருப்பியுள்ளார். பீஜிங்கில் ஒன் சாம்பியன்ஷிப் ஏஜ் ஆப் டிராகன்ஸ் கலப்பு தற்காப்பு கலை(எம்.எம்.ஏ) சாம்பியன்ஷிப் போட்டி நாளை(16ம் தேதி)தொடங்குகிறது. இதில் முதல் முறையாக ரிது போகட் பங்கேற்கிறார். நாளை நடக்கும் போட்டியில் இவர் தென் கொரியா வீராங்கனை நம் ஹி கிம் என்பவரை சந்திக்கிறார்.