இஸ்ரேல்: இஸ்ரேலில் கூட்டணி ஆட்சி அமைக்க கடுமையாக முயற்சித்தும், முடியவில்லை என பிரதமர் பெஞ்சமின் நெதன்யாகூ வேதனை தெரிவித்துள்ளார். இஸ்ரேலில் கடந்த மாதம் நடந்த நாடாளுமன்ற தேர்தலில், எந்த கட்சியும் பெரும்பான்மைக்கு தேவையான தொகுதிகளை கைப்பற்றவில்லை. இதையடுத்து, எதிர்கட்சியான கன்ட்சுவின் ப்ளூ அண்ட் ஒயிட் கட்சியுடன் இணைந்து கூட்டணி அரசை உருவாக்கும்படி குடியரசு தலைவர் ரூவென் ரிவ்லின், பிரதமர் பெஞ்சமினுக்கு அழைப்பு விடுத்தார். அதைத்தொடர்ந்து இரு கட்சிகளிடையே பேச்சுவார்த்தை நடந்து வந்த நிலையில், தனது முயற்சி தோல்வியில் முடிந்ததாக கூறி பெஞ்சமின் வீடியோ வெளியிட்டுள்ளார்.