லண்டன்: நியூசிலாந்து செல்லும் இங்கிலாந்து அணியில் இருந்து ஜானி பேர்ஸ்டோ நீக்கப்பட்டுள்ளார்.இங்கிலாந்து அணி அடுத்த மாதம் முதல் நியூசிலாந்து சென்று அங்கு டி20, டெஸ்ட் கிரிக்கெட் போட்டிகளில் விளையாட உள்ளது. இந்நிலையில் அங்கு விளையாட உள்ள 2 டெஸ்ட் போட்டிகளுக்கான இங்கிலாந்து அணி அறிவிக்கப்பட்டுள்ளது. அதில் நட்சத்திர ஆட்டக்காரர் ஜானி பேர்ஸ்டோ நீக்கப்பட்டுள்ளார். உலக கோப்பைக்கு பிறகு நடந்த ஆஷஸ் தொடரில் ஜானியின் ரன் குவிப்பு வேகம் வெறும் 19.45யாக இருந்ததால் இந்த முடிவு என்று கூறப்படுகிறது. அதனால் நியூசிலாந்து தொடரில் ஜோஸ் பட்லர் வீக்கெட்கீப்பராக இருப்பார்.