லண்டன்: ஐரோப்பிய ஒன்றியத்தில் இருந்து வெளியேறுவதற்கான அவகாசம் குறைந்துக் கொண்டே வரும் நிலையில், இங்கிலாந்து பிரதமர் தெரசா மே எதிர்க்கட்சித் தலைவர் ஜெரமி கார்பினுடன் பேச்சுவார்த்தை நடத்தினார். இங்கிலாந்து அமைச்சர்கள், உயர் அதிகாரிகள் உள்பட பலர் இந்தப் பேச்சுவார்த்தையில் கலந்துக் கொண்டனர். தற்போது பிரக்சிட் விவகாரத்தில் நீடிக்கும் குழப்பத்திற்கு தீர்வு காண இரு தலைவர்களும் சிறந்த ஒத்துழைப்பை நல்கியதாக இங்கிலாந்து அரசு தெரிவித்துள்ளது. இன்னும் சில நாட்களே அவகாசம் உள்ள நிலையில் பிரக்சிட் குறித்து முடிவெடுக்க மேலும் அவகாசம் கோரியுள்ள தெரசா மே, நாடாளுமன்றத்தின் ஒருமித்த கருத்தை உருவாக்க முயன்று வருகிறார். ஆனால் பேச்சுவார்த்தை நடத்துவதால் மட்டும் காலக்கெடுவை நீட்டிக்க முடியாது என்று ஐரோப்பிய யூனியன் எச்சரித்துள்ளது. .