ஈபோ: சுல்தான் அஸ்லான் ஷா கோப்பை ஹாக்கி போட்டித் தொடரில், இந்தியா 4-2 என்ற கோல் கணக்கில் மலேசிய அணியை வீழ்த்தியது.மலேசியாவின் ஈபோ நகரில் நடைபெற்று வரும் இந்த தொடரில், இந்திய அணி தனது முதல் லீக் ஆட்டத்தில் 2-0 என்ற கோல் கணக்கில் ஜப்பான் அணியை வீழ்த்தியது. அடுத்து தென் கொரியாவுடன் நடந்த 2வது லீக் ஆட்டம் 1-1 என்ற கணக்கில் டிரா ஆனது. இந்த நிலையில், 3வது லீக் ஆட்டத்தில் நேற்று மலேசிய அணியை எதிர்கொண்டது. மிகவும் விறுவிறுப்பாக அமைந்த இப்போட்டியில், இந்திய அணி 4-2 என்ற கோல் கணக்கில் வெற்றியை வசப்படுத்தியது. இந்தியா சார்பில் சுமித் (17வது நிமிடம்), சுமித் குமார் (27’), வருண் (36’), மன்தீப் (58வது நிமிடம்) ஆகியோர் அபாரமாக கோல் போட்டனர்.