லாஸ்ஏஞ்சல்ஸ்: சூப்பர் ஹீரோக்களை உருவாக்கிய காமிக்ஸ் எழுத்தாளர் ஸ்டான் லீ காலமானார். அவருக்கு வயது 95. காமிக்ஸ் ஹீரோக்களின் தந்தை என அழைக்கப்பட்டவர் ஸ்டான் லீ. அரை நூற்றாண்டுக்கு மேலாக உலகம் முழுவதும் தனது சூப்பர் ஹீரோக்களின் மூலம் ரசிகர்களின் மனங்களை வென்றவர் ஸ்டான் லீ. அமெரிக்காவின் மன்ஹாத்தனில் பிறந்த அவர், சூப்பர் ஹீரோக்களின் கதாபாத்திரங்களை உருவாக்கினார்.
காமிக்ஸ் உலகில் அவர் நுழைந்த பின், 1939ம் ஆண்டு பிளாக் பாந்தர் கதாபாத்திரத்தை உருவாக்கினார். அதன்பிறகு ஸ்பைடர் மேன், எக்ஸ் மேன், தோர், அயர்ன் மேன், ஃபென்டாஸ்டிக் ஃபோர், ஹல்க், டேர்டெவில், ஆன்ட் மேன் என இவர் உருவாக்கிய சூப்பர் ஹீரோக்கள் ஏராளம்.