ஓசூர், பிப்.6: ஓசூர், ராயக்கோட்டை, சூளகிரி, உத்தனப்பள்ளி, தளி, அஞ்செட்டி உள்ளிட்ட பகுதிகளில், விவசாயிகள் பரவலாக கொத்தமல்லி சாகுபடி செய்துள்ளனர். கொத்தமல்லி பயிரிட ஒரு ஏக்கருக்கு சுமார் ₹80 ஆயிரம் வரை செலவாகிறது. இந்நிலையில், கடந்த சில நாட்களாக கொத்தமல்லி விலை சரிந்து வருகிறது. சுமார் ஒரு கட்டு ₹30 வரை விற்று வந்த கொத்தமல்லி, தற்போது₹5 முதல் ₹8க்கு உழவர் சந்தையில் விற்பனையாகிறது. தோட்டங்களில் ₹3க்கு வியாபாரிகள் கேட்பதால், விவசாயிகள் வேதனையடைந்துள்ளனர். சில விவசாயிகள் பறிப்பு கூலி கூட கிடைக்காது என்பதால், தோட்டத்திலேயே விட்டுள்ளனர். கொத்தமல்லிக்கு, சந்தைகளில் உரிய விலை கிடைக்கவில்லை என்பதால் விவசாயிகள் ஏமாற்றம் அடைந்துள்ளனர்.

The post கொத்தமல்லி விலை வீழ்ச்சி appeared first on Dinakaran.