சேலம், ஜன.5: சேலம் அம்மாபேட்டை வைத்தி தெருவை சேர்ந்தவர் செந்தில்குமார்(46).இவர் தனது மனைவியுடன் கடந்த 31ம் தேதி சேலம் 4 ரோட்டில் உள்ள குழந்தை இயேசு பேராலயத்திற்கு இருசக்கர வாகனத்தில் வந்துள்ளார். அப்போது, வாகனத்தை நிறுத்தி விட்டு பேராலயத்துக்கு சென்றுள்ளார். மீண்டும் வாகனத்தை எடுத்துக்கொண்டு தம்பதியர் வீட்டிற்கு சென்று விட்டனர். அப்போது வாகனத்தின் இருக்கையின் கீழே வைத்திருந்த 5பவுன் நகை மற்றும் ரூ.400 இல்லாததை கண்டு அதிர்ச்சி அடைந்தனர். நகை, பணத்தை மர்மநபர்கள் திருடி சென்றிருப்பது தெரிந்தது. இதுகுறித்து செந்தில்குமார் பள்ளப்பட்டி போலீசில் புகார் அளித்தார். அப்புகாரின் பேரில் போலீசார் வழக்குப்பதிவு செய்து விசாரித்து வருகின்றனர்.

The post டூ வீலரில் வைத்திருந்த 5பவுன், பணம் திருட்டு; போலீசார் விசாரணை appeared first on Dinakaran.