கோவை, டிச. 28: கோவை செல்வபுரம் போலீசார் நேற்று முன்தினம் அப்பகுதியில் ரோந்து சென்றனர். அப்போது தெலுங்குபாளையம் பிரிவு ஆட்டோ ஸ்டாண்ட் அருகே சந்தேகம்படும் வகையில் நின்றிருந்த வாலிபர் ஒருவரை பிடித்து விசாரித்தனர். அதில் அவர் முன்னுக்கு பின் முரணாக பதில் அளித்தார். சோதனை செய்தபோது அவர் விற்பனைக்கு கஞ்சா வைத்திருந்தது தெரியவந்தது. இதனையடுத்து போலீசார் கஞ்சா விற்ற செல்வபுரம் சாஸ்தா நகரை சேர்ந்த விஷ்ணு (23) என்பவரை கைது செய்தனர். அவரிடம் இருந்து 70 கிராம் கஞ்சா பறிமுதல் செய்யப்பட்டது.

இதேபோல், பீளமேடு போலீசார் நேற்று ரோந்து சென்றனர். அப்போது அங்குள்ள பள்ளி அருகே நின்றிருந்த 2 பேரை சந்தேகத்தின் பேரில் பிடித்து விசாரித்தனர். அவர்களிடம் சோதனை செய்தபோது இருவரும் கஞ்சா, போதை மாத்திரை விற்றது தெரியவந்தது. இதனையடுத்து போலீசார் ஆவாராம்பாளையத்தை சேர்ந்த சிவசூரியன் (23), புலியகுளத்தை சேர்ந்த வெங்கடேஷ்குமார் (24) ஆகிய இருவரை கைது செய்தனர். அவர்களிடம் இருந்து 200 கிராம் கஞ்சா, 40 போதை மாத்திரை பறிமுதல் செய்யப்பட்டது.

The post கஞ்சா, போதை மாத்திரை பறிமுதல்: 3 பேர் கைது appeared first on Dinakaran.