மேட்டூர், டிச. 25: சென்னை அசோக் நகரை சேர்ந்தவர் கிரி (48). காய்கறி மொத்த வியாபாரம் செய்து வந்தார். காய்கறி வியாபாரத்தில் பெருத்த நஷ்டம் ஏற்பட்டதால், சென்னையிலிருந்து நேற்று முன் தினம் மேட்டூர் வந்துள்ளார். அவரது மனைவி வித்தியா, அவரை தொடர்பு கொண்டு சமாதானம் செய்து சென்னை வரும்படி அழைத்துள்ளார். ஆனால், அவர் அழைப்பை எடுக்காததால் சந்தேகம் அடைந்த வித்தியா சென்னையில் இருந்து நேற்று மேட்டூர் வந்தார். மேட்டூர் சதுரங்காடியில் உள்ள தனியார் தங்கும் விடுதியில் விசாரித்துள்ளனர். அவரது அறையை விடுதி பணியாளர்கள் தட்டி பார்த்தபோது கதவு திறக்கவில்லை. மாற்று சாவி மூலம் அறையின் கதவை திறந்து உள்ளே பார்த்தபொழுது மின்விசிறியில் தூக்கு போட்ட நிலையில் கிரி இறந்து கிடந்தார். இது குறித்து வித்யா மேட்டூர் போலீசில் புகார் செய்தார். இதன் பேரில், போலீசார் வழக்கு பதிவு செய்து விசாரணை நடத்தி வருகின்றனர்.

The post சென்னை வியாபாரி மேட்டூரில் தற்கொலை appeared first on Dinakaran.