பரமத்திவேலூர், டிச.18: திருச்செங்கோடு அருகே, பொம்மம்பட்டி அல்லாளபுரம் பகுதியைச் சேர்ந்தவர் தமிழ்மணி ( 71). விவசாயி. இவரும் பக்கத்து வீட்டு நண்பரான செல்வராஜ் (63). ஆகிய இருவரும் வேலகவுண்டன்பட்டி அருகே உள்ள செல்வராஜின் நண்பரை பார்க்க செல்வதற்காக, நேற்று முன்தினம் இரவு டூவீலரில் புத்தூர்-வேலகவுண்டன் பட்டி சாலையில் சென்று கொண்டிருந்தனர். அப்போது, எதிரே சுரேஷ் (40) என்பவர் ஓட்டி வந்த டெம்போ செல்வராஜ் ஒட்டி வந்த டூவீலர் மீது மோதியது. செல்வராஜ், தமிழ்மணி இருவரும் சாலையில் கீழே விழுந்து பலத்த காயமடைந்தனர். அருகில் இருந்தவர்கள் மீட்டு நாமக்கல் அரசு மருத்துவமனைக்கு அனுப்பி வைத்தனர். அங்கு செல்வராஜை பரிசோதனை செய்த மருத்துவர்கள் செல்வராஜ் ஏற்கனவே இறந்து விட்டதாக தெரிவித்தனர். தமிழ் மணிக்கு தீவிர சிகிச்சை அளிக்கப்பட்டு வருகிறது. இது குறித்து இன்ஸ்பெக்டர் செல்வராஜ் விசாரணை நடத்தி வருகிறார். மேலும் தலைமறைவான டெம்போவை டிரைவர் சுரேஷை தேடி வருகின்றனர்.

The post டெம்போ மோதி விவசாயி பலி appeared first on Dinakaran.