நாமக்கல்,டிச. 18: நாமக்கல் -திருச்செங்காடு ரோட்டில் உள்ள தினசரி காய்கறி மார்க்கெட்டுக்கு, மகராஷ்டிரா மாநிலத்தில் இருந்து பெரிய வெங்காயம் லாரிகளில் விற்பனைக்கு கொண்டு வரப்படுகிறது. கடந்த ஒரு மாதமாக மகராஷ்டிராவில் இருந்து பெரிய வெங்காயம் வரத்து குறைவாக இருந்தது. தற்போது அங்கிருந்து தினமும் லாரிகளில் 100டன் பெரிய வெங்காயம் நாமக்கல், தினசரி மார்க்கெட்டுக்கு கொண்டு வரப்படுகிறது. பெரிய வெங்காயத்தின் வரத்து அதிகரித்துள்ளதால் விலை சற்றுகுறைந்துள்ளது. தற்போது ஒரு கிலோ வெங்காயம் ₹55க்கு விற்பனை செய்யப்படுவதாகவும், கடந்த மாதம் இதன் விலை அதிகமாக இருந்ததாகவும் மார்க்கெட் வியாபாரிகள் சங்கத்தலைவர் மனோகரன் தெரிவித்தார்.

The post நாமக்கல் தினசரி மார்க்கெட்டுக்கு பெரிய வெங்காயம் வரத்து அதிகரிப்பு appeared first on Dinakaran.