சென்னை: மார்க்சிஸ்ட் மாநில செயலாளர் பாலகிருஷ்ணன் முதல்வருக்கு அனுப்பியுள்ள கடிதம்: மாற்றுத்திறனாளிகளின் வாழ்வாதாரத்தை மேம்படுத்திட அண்டை மாநிலங்களான புதுச்சேரியில் ரூ.4800ம், தெலுங்கானாவில் ரூ.4000மும், ஆந்திராவில் சாதாரண ஊனமுற்றோருக்கு ரூ. 6000மும், கடும் ஊனமுற்றோருக்கு ரூ. 10,000மும், வீட்டைவிட்டு வெளியே நடமாட இயலாத கடும் ஊனமுற்றோருக்கு ரூ.15,000மும் மாதாந்திர உதவித்தொகையாக வழங்கப்படும் நிலையில் தமிழகத்தில் குறைவான உதவித் தொகை வழங்கப்படுகிறது.

எனவே, தமிழக அரசு மாற்றுத்திறனாளிகளுக்கு வழங்கி வரும் மாதாந்திர உதவித் தொகையை ரூ. 6,000 மற்றும் கடும் ஊனமுற்றோருக்கு ரூ. 10,000 ஆக உயர்த்தி வழங்கிடவும், உதவித் தொகைக்கு விண்ணப்பித்து உதவித் தொகை கிடைக்காமல் நீண்ட காலமாக காத்திருக்கும் அனைவருக்கும் உடனடியாக உதவித் தொகை வழங்கிடவும் முதல்வர் நடவடிக்கை எடுக்க வேண்டும். நியாயமான இந்த கோரிக்கைகளை நிறைவேற்றும் வகையில் டிசம்பர் 3 உலக மாற்றுத்திறனாளிகள் தினத்தன்று அறிவிப்புகள் வெளியிட வேண்டும். இவ்வாறு குறிப்பிடப்பட்டுள்ளது.

The post மாற்றுத்திறனாளிகளுக்கு ரூ.6,000 உதவித்தொகையை உயர்த்த முதல்வருக்கு மார்க்சிஸ்ட் கடிதம் appeared first on Dinakaran.