துரைப்பாக்கம்: கேளம்பாக்கத்தில் இருந்து ராஜிவ்காந்தி சாலை வழியாக நேற்று மாணவர்களை ஏற்றி வந்த கல்லூரி பேருந்து, செம்மஞ்சேரி சிக்னல் அருகே வந்தபோது, எதிர் திசையில் விதிமீறி வந்த இருசக்கர வாகனம் மீது மோதியது. இதில், பைக்கில் வந்த இருவர் உடல் நசங்கி சம்பவ இடத்திலேயே இறந்தனர்.

தகவலறிந்த சோழிங்கநல்லூர் போக்குவரத்து போலீசார் மற்றும் பள்ளிக்கரணை போக்குவரத்து புலனாய்வு பிரிவு போலீசார் விரைந்து வந்து, இருவரின் உடலை மீட்டு, பிரேத பரிசோதனைக்காக ராயப்பேட்டை அரசு மருத்துவமனைக்கு அனுப்பி வைத்தனர். விசாரணையில் இறந்தவர்கள் சோழிங்கநல்லூர் காந்திநகரைச் சேர்ந்த முருகன்(55) சோழிங்கநல்லூர் பொன்னியம்மன் கோவில் தெரு சேர்ந்த நாகராஜ்(48) என தெரியவந்தது.

The post எதிர் திசையில் பைக்கில் சென்றபோது கல்லூரி பஸ் மோதி இருவர் பரிதாப பலி appeared first on Dinakaran.