ஷாஜஹான்பூர்: உத்தரப்பிரதேசத்தில் விவசாயி நிலத்தில் இருந்த 1857ம் ஆண்டு புரட்சியின்பேது பயன்படுத்தப்பட்ட வாள், ரைபிள்ஸ் உள்ளிட்ட ஆயுதங்கள் கிடைத்தது. உத்தரப்பிரதேசத்தின் ஷாஜஹான்பூரில் பாபுராம் என்ற விவசாயி தனது நிலத்தில் உழுதுகொண்டு இருந்தார். அப்போது பூமிக்கு அடியில் ஏதோ தென்பட்டுள்ளது. உடனடியாக அவர் அந்த இடத்தில் தோண்டியதில் பீப்பாய் கிடைத்தது.

அதற்குள் 23 வாள்கள், 12 ரைபிள்கள், ஈட்டி, குத்துவாள் உள்ளிட்டவை இருந்தது தெரியவந்தது. இது குறித்து உடனடியாக அவர் போலீசுக்கு தகவல் தெரிவித்தார். போலீசார் இவற்றை பறிமுதல் செய்தனர். இந்த ஆயுதங்கள் கடந்த 1857ம் ஆண்டின்போது ஏற்பட்ட புரட்சியின்போது பயன்படுத்தப்பட்டு இருக்கலாம் என தெரிகிறது. இது குறித்து தொல்லியல் ஆய்வு துறைக்கும் தகவல் தெரிவிக்கப்பட்டுள்ளது.

The post உ.பி. விவசாய நிலத்தில் 1857ம் ஆண்டு வாள், ஆயுதங்கள் கிடைத்தது appeared first on Dinakaran.