நியூயார்க்: யுஎஸ் ஓபன் கிராண்ட் ஸ்லாம் டென்னிஸ் தொடரின் மகளிர் ஒற்றையர் அரையிறுதியில் விளையாட, அமெரிக்க வீராங்கனை எம்மா நவரோ தகுதி பெற்றார்.காலிறுதியில் ஸ்பெயினின் பவுலா படோசாவுடன் (26 வயது, 29வது ரேங்க்) மோதிய எம்மா நவரோ (23 வயது, 12வது ரேங்க்) 6-2, 7-5 என்ற நேர் செட்களில் வென்றார். இப்போட்டி 1 மணி, 12 நிமிடத்தில் முடிவுக்கு வந்தது. மற்றொரு காலிறுதியில் சீனாவின் கின்வென் ஸெங் (21 வயது, 7வது ரேங்க்) சவாலை எதிர்கொண்ட பெலாரஸ் நட்சத்திரம் அரினா சபலென்கா (26 வயது, 2வது ரேங்க்) 6-1, 6-2 என்ற நேர் செட்களில் மிக எளிதாக வென்று அரையிறுதிக்கு முன்னேறினார்.

இப்போட்டி 1 மணி, 13 நிமிடத்துக்கு நடந்தது. ஆண்கள் ஒற்றையர் காலிறுதியில் அமெரிக்காவின் டெய்லர் பிரிட்ஸுடன் மோதிய ஜெர்மனி வீரர் அலெக்சாண்டர் ஸ்வெரவ் 6-7 (2-7), 6-3, 4-6, 6-7 (3-7) என்ற செட் கணக்கில் 3 மணி, 26 நிமிடம் போராடி தோற்றார். மற்றொரு காலிறுதியில் அமெரிக்காவின் ப்ரான்சிஸ் டியபோ 6-3, 6-7 (5-7), 6-3, 4-1 என முன்னிலை வகித்த நிலையில், எதிர்த்து போட்டியிட்ட கிரிகோர் திமித்ரோவ் (பல்கேரியா) காயம் காரணமாக விலகினார். கலப்பு இரட்டையர் பிரிவு அரையிறுதியில் அமெரிக்காவின் டெய்லர் டவுன்செண்ட் – டொனால்டு யங் ஜோடியுடன் மோதிய இந்தியாவின் ரோகன் போபண்ணா – அல்டிலா சுட்ஜியாடி (இந்தோனேசியா) இணை 3-6, 4-6 என்ற நேர் செட்களில் தோற்று ஏமாற்றத்துடன் வெளியேறியது.

The post யுஎஸ் ஓபன் டென்னிஸ்; அரையிறுதியில் எம்மா: போபண்ணா ஏமாற்றம் appeared first on Dinakaran.