திருவெண்ணெய்நல்லூர், செப். 1: பெங்களூரில் இருந்து 39 பயணிகளுடன் அரசு சொகுசு பஸ் சிதம்பரம் நோக்கி நேற்று முன்தினம் இரவு சென்று கொண்டிருந்தது. நேற்று அதிகாலை சுமார் 4 மணிக்கு திருவெண்ணெய்நல்லூர் அடுத்த சரவணம்பாக்கம் கடலூர் சாலையில் வந்த போது, ஓட்டுனரின் கட்டுப்பாட்டை இழந்து சாலையோர பள்ளத்தில் பஸ் தலைகுப்புற இறங்கி நின்றது. இதனால் பஸ்சில் இருந்த பயணிகள் அலறினர். இதில் ஓட்டுநர் உள்பட 7 பேர் படுகாயமடைந்தனர். இதை பார்த்த அவ்வழியாக வாகனங்களில் சென்றவர்கள் படுகாயமடைந்தவர்களை மீட்டு சிகிச்சைக்காக 108 ஆம்புலன்ஸ் மூலம் விழுப்புரம் முண்டியம்பாக்கம் அரசு மருத்துவ கல்லூரி மருத்துவமனைக்கு அனுப்பி வைத்தனர். இதனால் கடலூர் சித்தூர் சாலையில் சிறிது நேரம் போக்குவரத்து பாதிப்பு ஏற்பட்டது. மேலும் இதுகுறித்து தகவல் அறிந்து சம்பவ இடத்திற்கு வந்த திருவெண்ணெய்நல்லூர் போலீசார் போக்குவரத்தை சரிசெய்து விசாரணை நடத்தி வருகின்றனர்.

The post சாலையோர பள்ளத்தில் அரசு பஸ் இறங்கியது 7 பேர் படுகாயம் appeared first on Dinakaran.