ஊத்தங்கரை, ஜூலை 10: கல்லாவி அருகே மது விற்ற பெண் உள்பட 2 பேரை கைது செய்த போலீசார், அவர்கள் விற்பனைக்கு வைத்திருந்த 50 மது பாட்டில்களை பறிமுதல் செய்தனர். கிருஷ்ணகிரி மாவட்டம், கல்லாவி போலீஸ் எஸ்ஐ அன்பழகன் தலைமையிலான போலீசார், நேற்று முன்தினம் ரோந்து பணியில் ஈடுபட்டனர். அப்போது சட்ட விரோதமாக மதுவிற்ற புஷ்பா (43) என்பவரை கைது செய்த போலீசார், அவரிடம் இருந்து 44 மதுபாட்டில்களை பறிமுதல் செய்தனர். இதேபோல், சிங்காரப்பேட்டை போலீஸ் எஸ்ஐ சரவணன் தலைமையிலான போலீசார், கொம்மம்பட்டு பகுதியில் ரோந்து பணியில் ஈடுபட்டனர். அப்போது சட்டவிரோதமாக மது விற்ற வேடியப்பன் (75) என்பவரை கைது செய்த போலீசார், அவரிடம் இருந்து 6 மது பாட்டில்களை பறிமுதல் செய்தனர்.

The post மது விற்ற பெண் உள்பட 2 பேர் கைது appeared first on Dinakaran.