சாஹா 19 ரன் (15 பந்து, 4 பவுண்டரி) விளாசி பும்ரா வேகத்தில் ஸ்டம்புகள் சிதற பெவிலியன் திரும்பினார். அடுத்து கில் – சாய் சுதர்சன் ஜோடி 2வது விக்கெட்டுக்கு 33 ரன் சேர்த்தது. கில் 31 ரன் (22 பந்து, 3 பவுண்டரி, 1 சிக்சர்) எடுத்து சாவ்லா சுழலில் ரோகித் வசம் பிடிபட்டார். அஸ்மதுல்லா 17, டேவிட் மில்லர் 12 ரன் எடுத்து விக்கெட்டை பறிகொடுத்தனர். பொறுப்புடன் விளையாடிய சாய் சுதர்சன் 45 ரன் (39 பந்து, 3 பவுண்டரி, 1 சிக்சர்) விளாசி பும்ரா வேகத்தில் திலக் வர்மா வசம் பிடிபட்டார்.
கடைசி கட்டத்தில் அதிரடி காட்டிய ராகுல் திவாதியா 22 ரன் (15 பந்து, 2 பவுண்டரி, 1 சிக்சர்) விளாசி கோட்ஸீ பந்துவீச்சில் நமன் திர் வசம் கேட்ச் கொடுத்து அவுட்டானார். குஜராத் டைட்டன்ஸ் அணி 20 ஓவர் முடிவில் 6 விக்கெட் இழப்புக்கு 168 ரன் குவித்தது. விஜய் ஷங்கர் 6 ரன், ரஷித் கான் 4 ரன்னுடன் ஆட்டமிழக்காமல் இருந்தனர்.
மும்பை இந்தியன்ஸ் பந்துவீச்சில் பும்ரா 4 ஓவரில் 14 ரன் விட்டுக்கொடுத்து 3 விக்கெட் கைப்பற்றினார். ஜெரால்ட் கோட்ஸீ 2, பிச்யுஷ் சாவ்லா 1 விக்கெட் வீழ்த்தினர். இதைத் தொடர்ந்து, 20 ஓவரில் 169 ரன் எடுதால் வெற்றி என்ற இலக்குடன் மும்பை இந்தியன்ஸ் களமிறங்கியது.
The post பும்ரா அபார பந்துவீச்சு மும்பை அணிக்கு 169 ரன் இலக்கு appeared first on Dinakaran.