புதுடெல்லி: நாடு முழுவதும் 63 பேர் ஜேஎன்.1 வைரஸால் பாதிக்கப்பட்டுள்ளனர். அதிகபட்சமாக,கோவாவில் 34 பேருக்கு பாதிப்பு கண்டறியப்பட்டுள்ளது. நாட்டில், தற்போது ஜேஎன்.1 என்ற புதிய வகை வைரஸ் வேகமாக பரவி வருகிறது. இந்த வைரஸ் பரவலை தடுக்க அனைத்து மாநில அரசுகளும் முன்னெச்சரிக்கை நடவடிக்கைகளை மேற்கொள்ள வேண்டும் என்று ஒன்றிய அரசு ஏற்கனவே அறிவுறுத்தி உள்ளது.ஜேஎன். 1 வைரஸால் 63 பேர் பாதிக்கப்பட்டுள்ளனர். அதிகபட்சமாக, கோவாவில் 34 பேருக்கு பாதிப்பு இருப்பது கண்டறியப்பட்டுள்ளது.மகாராஷ்டிராவில் 9 பேர்,கர்நாடகாவில் 8 பேர்,கேரளாவில் 6 பேர், தமிழ்நாட்டில் 4 பேர், தெலங்கானாவில் 2 பேருக்கும் இந்த வைரஸ் பாதிப்பு கண்டறியப்பட்டு உள்ளதாக ஒன்றிய அரசு வட்டாரங்கள் தெரிவித்தன.

ஒன்றிய அரசு அதிகாரிகள் கூறுகையில்,‘‘ ஜேஎன்.1 வைரஸ் பரவல் அதிகரித்து வந்தாலும், உடனடியாக எந்த அபாயமும் இல்லை. ஏனென்றால்,இதில் பாதிக்கப்பட்ட 92 சதவீதம் பேர் வீட்டில் இருந்து சிகிச்சை பெற விருப்பம் தெரிவித்துள்ளனர். இதனால் இது மிதமான பாதிப்புதான் என்பது தெரியவருகிறது’’ என்றனர். இதற்கிடையே,நேற்று காலை 8 மணியுடன் முடிந்த 24 மணி நேரத்தில், 628 பேருக்கு கொரோனா தொற்று இருப்பது கண்டறியப்பட்டுள்ளது. மொத்தம் 4,054 பேர் சிகிச்சை பெற்று வருகின்றனர். கேரளாவில் ஒருவர் பலியானதையடுத்து உயிரிழந்தோர் எண்ணிக்கை,5,33,334 ஆக உயர்ந்துள்ளது என ஒன்றிய சுகாதார அமைச்சகத்தின் இணையதளத்தில் தெரிவிக்கப்பட்டுள்ளது.

The post நாடு முழுவதும் 63 பேருக்கு ஜேஎன்.1 வைரஸ் பாதிப்பு appeared first on Dinakaran.