பணகுடி,அக்.13: நெல்லை வருவாய் மாவட்ட அளவிலான தடகளப் போட்டி பாளையங்கோட்டை அண்ணா விளையாட்டு அரங்கில் கடந்த 5, 6 தேதிகளில் நடந்தது. இதில் 150 பள்ளிகளை சேர்ந்த ஆயிரக்கணக்கான மாணவ-மாணவிகள் கலந்துகொண்டனர். இதில் பங்கேற்ற வடக்கன்குளம் எஸ்ஏவி பாலகிருஷ்ணா பள்ளி மாணவர்கள் ஆண்கள் பிரிவில் 98 புள்ளிகளும், பெண்கள் பிரிவில் 208 புள்ளிகளும் பெற்று ஒட்டுமொத்த சாம்பியன் பட்டத்தை வென்றனர். சாதனை படைத்த மாணவ- மாணவிகளையும், பயிற்சியளித்த ஆசிரியர்களையும் பள்ளித் தலைவர் கிரகாம்பெல், தாளாளர் திவாகரன், முதல்வர் சுடலையாண்டி பிள்ளை மற்றும் ஆசிரியர்கள், பெற்றோர் என ஏராளமானோர் வெகுவாகப் பாராட்டினர்.

The post வடக்கன்குளம் எஸ்ஏவி பாலகிருஷ்ணா பள்ளி மாணவர்கள் சாதனை appeared first on Dinakaran.