விமானப்படை பட்டமளிப்பு விழாவில் தவறி கீழே விழுந்த பைடன்

கொலோராடோ: அமெரிக்க விமானப்படை அகாடமி பட்டமளிப்பு விழாவில் ஜோ பைடன் திடீரென தடுமாறி கீழே விழுந்ததால் பரபரப்பு ஏற்பட்டது. அமெரிக்க வரலாற்றில் ஆட்சிப் பொறுப்பில் இருக்கும் மிக வயதான அதிபராக ஜோ பைடன் இருந்து வருகிறார். அவர் கொலராடோவில் உள்ள அமெரிக்க விமானப்படை அகாடமியின் பட்டமளிப்பு விழாவில் சான்றிதழ்களை வழங்கும் நிகழ்ச்சியில் கலந்து கொண்டார். அப்போது விழா மேடையின் அருகே நடந்து சென்ற போது ஜோ பைடன் திடீரென தடுமாறி கீழே விழுந்தார். பின்னர் துரிதமாக செயல்பட்ட விமானப்படை அதிகாரிகள் அவருக்கு உதவினர்.

அதன்பின் அதிகாரிகளின் உதவி ஏதுமின்றி, அவர் நடந்து சென்று தமது இருக்கையில் அமர்ந்தார். இதுதொடர்பாக வெள்ளைமாளிகை வெளியிட்ட தகவலில், ‘அதிபர் ஜோ பைடன் நலமாக இருக்கிறார், பாதிப்பு ஏதுமில்லை’ என்று தெரிவிக்கப்பட்டுள்ளது. விழா நடந்த மேடையில் மணல் மூட்டைகள் இருந்தநிலையில் அதிபர் ஜோ பைடன் அந்த மணல் மூட்டை ஒன்றில் மிதித்து கால் தடுமாறி கீழே விழுந்ததாக தகவல் தெரிவிக்கப்பட்டுள்ளது.

The post விமானப்படை பட்டமளிப்பு விழாவில் தவறி கீழே விழுந்த பைடன் appeared first on Dinakaran.

Related Stories: