சேலம்: சேலத்தில் தொடங்கிய முதலமைச்சர் கோப்பைக்கான தடகள போட்டிகளில், 1,500 பள்ளி மாணவ, மாணவிகள் கலந்து கொண்டுள்ளனர். சேலம் மாவட்டத்தில் 2022-2023ம் ஆண்டிற்கான முதலமைச்சர் கோப்பைக்கான விளையாட்டுப் போட்டிகள் நடந்து வருகிறது. மாவட்டம் முழுவதும் இப்போட்டிகளில் கலந்து கொள்ள 41,481 நபர்கள் பதிவு செய்துள்ளனர். ஏற்கனவே, பள்ளி, கல்லூரி மாணவர்களுக்கான நீச்சல், கூடைப்பந்து, வாலிபால், மேசைப்பந்து, இறகுப்பந்து, கிரிக்கெட் உள்ளிட்ட போட்டிகள் தொடங்கி நடைபெற்று வருகிறது. தொடர்ந்து நேற்று, பள்ளி மாணவிகளுக்கான வாலிபால் போட்டிகள் தொடங்கியது. சேலம் மாவட்ட கைப்பந்து கழக ஆலோசகர் விஜயராஜ் போட்டிகளை தொடங்கி ைவத்தார். அப்போது, செயலாளர் சண்முகவேல், துணை தலைவர்கள் ராஜாராம், லீலாவதி ஆகியோர் உடனிருந்தனர்.