கோபி, செப்.30: ஈரோடு மாவட்டம், கோபி அருகே உள்ள கள்ளிப்பட்டியை சேர்ந்தவர் ஜோதி (70). கள்ளிப்பட்டியை குறிப்பிட்டு, கள்ளிப்பட்டி ஜோதி என்றே திரைத்துறையினர் அழைத்தனர். இவர் கடந்த 50 ஆண்டுகளுக்கு முன் குட்டி கோடம்பாக்கம் என்று கோபியை தமிழ் திரை உலகிற்கு முதன் முதலாக அறிமுகப்படுத்தியவர். ஆரம்ப கால கட்டத்தில் திரைத்துறையினருக்கு வெளிப்புற படப்பிடிப்பு மேலாளராக மட்டுமே பணியாற்றி வந்த கள்ளிப்பட்டி ஜோதி, சோலையம்மா, தாய்மனசு உள்ளிட்ட படங்களை தயாரித்தார்.