திருவாரூர், டிச.2: திருவாரூர் அரசு மருத்துவக்கல்லூரி மருத்துவமனையில் ரூ.5 லட்சத்து 75 ஆயிரம் மதிப்பில் செயற்கை கால்களை மாற்றுத்திறனாளிகளுக்கு டீன் ஜோசப்ராஜ் வழங்கினார். உலக மாற்றுத்திறனாளிகள் நாளை முன்னிட்டு திருவாரூர் அரசு மருத்துவகல்லூரி மருத்துவமனையில் உடலியல் மருத்துவம் மற்றும் மறுவாழ்வுதுறை சார்பில் 13 பேருக்கு ரூ.5 லட்சத்து 75 ஆயிரம் மதிப்பிலான செயற்கை கால்கள் வழங்கும் நிகழ்ச்சி நடைபெற்றது. இந்த நிகழ்ச்சியில் பயனாளிகளுக்கு செயற்கை கால்களை மருத்துவக் கல்லூரி டீன் ஜோசப் ராஜ் வழங்கினார். பின்னர் அவர் கூறுகையில்,தற்போது கொரோனா 3வது அலை போன்று ஏதாவது வருவதாக இருந்தாலும் தமிழக முதல்வரின் அறிவுறுத்தலின்படி திருவாரூர் அரசு மருத்துவக் கல்லூரி மருத்துவமனையில் அனைத்து முன்னெச்சரிக்கை நடவடிக்கைகளும் மேற்கொள்ளப்பட்டுள்ளன.