விளாத்திகுளம்,மார்ச் 30: விளாத்திகுளம் தொழில் நகரமாக மாற்ற நடவடிக்கை எடுக்கப்படும் என திமுக வேட்பாளர் மார்க்கண்டேயன் உறுதியளித்துள்ளார். விளாத்திகுளம் தொகுதி திமுக வேட்பாளர் மார்க்கண்டேயன் வெங்கடாசலபுரம், மலைப்பட்டி, சிந்தலக்கரை, ராசாபட்டி, துரைசாமிபுரம், கீழநம்பியாபுரம், வடக்கு முத்தையாபுரம், சிலுவைபுரம், கீழ சண்முகபுரம், வேம்பார் பேருந்து நிலையம், சிந்தாமணி நகர், தில்லை நகர் கீதாநகர், சுனாமி காலனி, முத்தையாபுரம், குஞ்சையாபுரம், பெரியசாமிபுரம் உள்ளிட்ட பகுதிகளில் வீதிவீதியாக சென்று வாக்கு சேகரித்தார்.விளாத்திகுளம் தொகுதி எந்த முன்னேற்றமும் இல்லாமல் உள்ளது. தொகுதியின் கடற்கரை பகுதியிலுள்ள வேம்பார், பெரியசாமிபுரம், கீழவைப்பார் உள்ளிட்ட பகுதிகளில் மீனவர்கள் பயன்பெறும் வகையில் பல்வேறு வகையான நலத்திட்ட உதவிகள் திமுக ஆட்சிக்கு வந்தவுடன் உடனடியாக நிறைவேற்றப்படும்.