குமரி மாவட்டம் பேச்சிப்பாறை அணை பகுதி மக்கள் சட்டமன்ற தேர்தல் நாளான இன்று, தங்கள் ஜனநாயக கடமையை செய்து முடிக்கும் நோக்கில் வாக்களிக்க ஆர்வம் காட்டி வருகின்றனர். காடு, மலையை கடந்து வந்து தங்களின் ஜனநாயக கடமையாற்றி வருகிறார்கள்.

பேச்சிப்பாறை அணைப்பகுதி மக்கள் முக்கியமாக காணி பழங்குடியின சமூகத்தைச் சேர்ந்தவர்கள். இவர்கள் அணையைச் சுற்றியுள்ள தச்சமலை, தோட்டமலை போன்ற அடர்ந்த வனப்பகுதிகளில் வசிக்கின்றனர். படகு சவாரி மூலம் அணைக்கட்டைக் கடந்து வந்து தங்களின் அன்றாடப் பணிகளையும், ஜனநாயகக் கடமைகளையும் இவர்கள் நிறைவேற்றுகிறார்கள். இவர்கள் வசிக்கும் பகுதி இயற்கை வளம் மிக்கது, ஆனால் போக்குவரத்து வசதிகள் குறைவானது.

இவர்களின் வசிப்பிடம் அடர்ந்த காட்டுப் பகுதி என்பதால், அடிப்படை வசதிகள் மற்றும் போக்குவரத்து வசதிகள் குறைவாகவே உள்ளன. அதிலும் குறிப்பாக மழைக்காலங்களில் படகு சவாரி கடினமாக இருக்கும் என்பதால், அந்த சீசனில் இவர்கள் தனிமைப்படுத்தப்படும் சூழல் உருவாகும். பள்ளி செல்லும் குழந்தைகள் மற்றும் தோட்ட வேலைக்குச் செல்பவர்கள் இந்த படகு சேவையை அதிகம் பயன்படுத்துகின்றனர். இப்படிப்பட்ட கடினமான வாழ்விடத்தில் வசித்தாலும், தங்களின் ஜனநாயக கடமையை நிறைவேற்ற வேண்டும் என்ற ஆர்வம் காரணமாக தங்களின் வாக்குரிமையை பயன்படுத்த படகில் வந்து அப்பகுதி மக்கள் தங்கள் வாக்குகளை செலுத்தி உள்ளனர்.