திருவனந்தபுரம்: கேரளாவில் தற்போது அரசு அலுவலகங்கள் வாரத்தில் திங்கள் முதல் சனி வரை என 6 நாட்கள் செயல்படுகின்றன. மாதத்தில் இரண்டாவது சனிக்கிழமை விடுமுறை நாளாகும். இந்நிலையில் கேரள தலைமைச் செயலாளர் ஜெயதிலக் தொழிற்சங்க பிரதிநிதிகளுடன் நேற்று ஆலோசனை நடத்தினார்.

இதில் வேலை நாட்களை வாரத்தில் 5 ஆக குறைக்க அனைத்து தொழிற்சங்களும் சம்மதம் தெரிவித்தன. மேலும் திங்கள் முதல் வெள்ளி வரை தினசரி வேலை நேரத்தை அதிகரிக்கவும் கூட்டத்தில் முடிவெடுக்கப்பட்டது. வேலை நாட்களை குறைப்பது தொடர்பாக அரசுடன் ஆலோசித்து உரிய முடிவு எடுக்கப்படும் என்று தலைமைச் செயலாளர் ஜெயதிலக் கூறினார்.